Forums Coolval (series) How 2go Relationship landed me in a mental home

Viewing 8 posts - 1 through 8 (of 396 total)
  • Author
  • #344423 Reply
    • "Posts"23420
    • ☆☆☆☆☆

    Author = ClassCaptain
    Language = Pidgin English
    Rated = PG

    Na my seventh day for Ipenka psychiatric hospital be dis. The worst week and worst birthday of my life so far. i have attempted to escape twice ,both attempts very unsuccessful .
    All my other attempts to tell the three doctors ,6 nurses and one spiritualist attached to me that i am mentally ok, and sane also proved abortive.

    i am Not insane yet am am living among insane people.Treated like an insane person by almost insane medical personels in an insanely strange and different environment from My original abode.. i don use my korokoro eye take see d worst of the worst.I can no longer take this.

    Before i kill myself and commit suicide so that i would be able to die,i have to make it clear that i didnt do the act out of insanity. i was Perfectly sane .and also to explain what led to my being here in the first place.

    My Name is Boo Osin,Patient 437 ,ward 7 ,maximum protection. ..What led me to my present predicament Started from a Steamy romance that i began with a lady on 2go , Four months Ago !!!

    Share Button

    Just one click………..

    Episode 3

    Episode 4

    Episode 5

    Episode 6

    Episode 7

    Episode 8

    Episode 9

    Episode 10

    Episode 11

    #344425 Reply
    • "Posts"23420
    • ☆☆☆☆☆

    Episode 1 ( The problem )

    As as single guy at 22 years old wey no get any
    previous serious relationship or engagements with any lady before, na every platform wey i fit use get a girl na hin i day explore.,Twitter,Facebook,badoo,Nairaland and boku dating sites.

    I bin get everything wey man suppose get. Finacially stable ( small sha) ,Tall, deliciously handsome and breathtaking with 6 packs ,light in complexion as i con add pink lips join with a perfect gap tooth..i get Davido dimple,kiss Daniel lips,iyanya's body.wizkid Skin ,Lynnx height and Korede bello eyes.

    But every of my attempt to get a girl in a Serious relationship no dey comot well.Some of dem go end up putting me for friendzone. Different kind of zones.Some recharge card zone, some come and help us check the Generator" Zone, some na "what time is the lecture " Zone,and many more zone wey dem bin they put me.Infact i bin don turn zonal officer for dem girls hand.

    I be day think say this dis thing na Spiritual and don dey plan just date any girl wey i see next,whether na olosho or not, i no care.. At 22,I never get girl wey go day call me "honey pie" , sweetie" yoghurt and all dese names wey fit give person diabetes.Even if my boo get a boo,right now..I no send..

    This matter of babe dem cause me sleepless nights as i even take am serious pass my jamb lessons sef ..Haha.. na 22 i be now ?? I suppose dey 400 level now naa if no be admission wey I still dey look for to study law.

    As i dey so,all my guys go dey talk of dem chick way d em catch and how many babes dem don tear, me sef go dey form bad guy ,they shout say i dey tear gan.Deep down,i no say i never kiss girl before ,not to talk of pressing bobbi so how i wan even go near say i bin day tear kpetus .
    If dem bin day pass girls around the clique, na wen dem pass am to me,Fk go show.

    No be say i no wan do but i no just see d right vessel. And i no wan do ashewo ?? God forbid.. ..i never sabi how quick i go take come.If i con com after 2 mins.i go pay #500..wey i no go fit change styles again ?? I no want ...
    Na so i dey go church,weddings.saloons,cinemas,shoprite dey look for babe oo.He worst reach sotey i be jam one dwarf,we been date one week as i yarn say i wan do the thing, way me bin day think say she no get option than to gree. Na hin she reply " do u think am in your level ?? Oh i see d mistake i made .." Na dat day dwarf destroy and break up with me.

    I bin no day see success for Social networking dating before so i no too day put focus for matter Like that especially after my painful experience for some Facebook babes hand wey no go even bother reply my messages..

    If i been day tell you my experience for woman hand,in order just to lose this my virginity,we go use like 10 episode's talk am.But bros.,na Ibadan we day go, make we no day divert direction go Owerri .

    So you can imagine my excitement when i been jam this new babe for 2go. 🙂 🙂

    To be continued

    #344432 Reply
    • "Posts"23420
    • ☆☆☆☆☆

    Episode 2( The Connection )

    Na 2go room ,naruto room to be specific i bin jam this babe. Before then,i bin dey send card and go credits to guys make dem share me babe.. I turn father christmas,dey give go credits to the needy in exchange for babes as i dey make sure say i dey day online ..i no kukuma get brother or sister wey go help me or wey i go follow dey yarn as na me be d only child of my parent.

    Sharply,i add this babe oo..We start chat..The normal routine how are u.your name and d rest.The babe dey reply sharp sharp .I text now, 3 seconds, she don text back.Haha..

    The first day i meet her,na hin she introduce me to sexchat ...For 1000 go credits, this babe bin teach me a lot of things oo. we dey chat ,they chat,she day share me pictures ..She talk say her mb finish.i rush buy 200 card,send am to am,we continue.
    God don do am.God don do am oo. Na d person be this ..We chatted like this till midnight of that same day.

    Na d first babe wey go tell me say she like me be this. hah..Finally after all these years. This was how we started chatting and talking for four months .In the third month,we officially started dating dating of course.

    Throughout these 3 months period as per say i be responsible boyfriend,i send her 5000 naira per month out of my own jamb lesson allowance and transport fare,to enjoy herself,
    i send 15k wey she use buy new phone after she no day online 4 3 days and complain sey her phone don spoil,plus a lot of other " Boyfriend responsibility" wey i do.

    The money wey i dey save for bank sey in case of anything ,anything,i withdraw half of am in order to please my girlfriend.All together, plus money wey i lie collect from my mama,plus d one wey i save,i fit say i spend pass 45000 on this babe during these months.

    U talk say he too much ??? Haahaa.the babe worth am now.I no get babe afterall this years. why .i no go treat am well ..After all, she's beautiful, fine and sexy ..With moderate front and back.. Even if she no fine sef i get choice.?? Soon my intention to initially kpansh the babe dey turn to real love for my heart small small...Love is a beautiful thing ..

    #344433 Reply
    • "Posts"156
    • ☆☆

    Wow…… Dis story promises to be intresting already.
    Were are the others ooo @tdat come and do your job.

    #344443 Reply
    Tenniebenson (Area Mama)
    • "Posts"9807
    • ☆☆☆☆

    Lol… Dis guy is crazy sha… U dey send money give gal wey u never see like dis? Choi! If na boy wey dey use gal pics nko? @Skookum come nd call attendance jae

    #344451 Reply
    • "Posts"762
    • ☆☆

    Wow this story go sweet ooooo


    You are needed

    #344459 Reply
    • "Posts"501
    • ☆☆

    Dis is serious ooo

    #344482 Reply
    • "Posts"4801
    • ☆☆☆

    Gbese re ooo @tenniebenson I dey Jare register dey come oya my peepz @kingson1 @frankkay come do roll call.

    @wyse-one @ritagold @hbankee oya ur reserve seat don dey as usual

Viewing 8 posts - 1 through 8 (of 396 total)
Reply To: How 2go Relationship landed me in a mental home
Click on page (1) above to find episode links of this story

You can post your comment below

You can use BBCodes to format your content.
Your account can't use Advanced BBCodes, they will be stripped before saving.

Your information:

<a href="" title="" rel="" target=""> <blockquote cite=""> <code> <pre class=""> <em> <strong> <del datetime="" cite=""> <ins datetime="" cite=""> <ul> <ol start=""> <li> <img src="" border="" alt="" height="" width=""> <div class="">

Skip to toolbar